The sound of white.

Det blei ikkje kvit jul i Råde i år heller, og det er eigentleg litt kjipt. Det har vori kvitt og fint den siste veka, men det måtte ein eller annan sjølvsagt endre på på juleftan. Likevel har det vori ein utruleg bra dag, tilliks med gårsdagen, da eg hadde bursdag. Har fått mye fint både i går og i dag, og det er så feitt når småungane til fetter+kona og kusine+sambuar er med på lasset. Er ikkje dårleg å vere 14 personar på juleftan! I tillegg var gudstenesa i dag heilt utruleg bra og inspirerande, men det var litt dårleg oppmøte. Får skylde på at eg var på tidleggudstenesta, dei fleste plar jo dra på den på ettermiddagen.

God romhelg, folkens!

Just another brick in the wall.

X invited you to join the Facebook group "Nei til nynorsk!!".To see more details and confirm this group invitation, follow the link below:
http://www.facebook.com/n/?group.php&gid=6126779220.

Thanks,
The Facebook Team



Den invitasjonen var slitsam på ein litt irriterande måte. Takk, men neitakk!

Drops of Jupiter.

Det blir sagt at det som regel kjem til å årne sæ. Og det gjorde det jammen i år også! Eg har klart å snuble meg gjennom fire kjipe avgangsprøver, og har endeleg juleferie. Det følest jævlig bra. Nå skal eg heim til den tøffaste bygda i verda, sjå film kvar einaste dag, ete god mat og vere ilag med gode venner. Og så skal eg på julekonsert! Eg trur i det heile at dette blir ei utruleg bra jul, og eg skal nyte feiren med godt samvit. Gruer meg litt til skolestart, i og med at eg slår til med heile fem fag, i tillegg til at det framleis blir fullt køyr med NMU, linjeforeninga og BI-revyen. Men alt kjem til å bli dritbra, så det er eigentleg bare brillefint.

Er dette eit innlegg som kan kvalifisere til kategorien feel-good? Eller føl-godt, som det kanskje heiter på norsk?

God førjulstid!

Flames to dust, lovers to friends, why do all good things come to an end?

Ja, eg lurer. Eg har eksamen i mårra, etter eit halvt år som har vori over all forventning. Den søte kløa BLIR imidlertid etterfulgt av den sure svia - og som den svir! Mårradagens eksamen går på marknadsføring, der vi blir spurt om pensum (sjølvsagt). Men her er saka: de som lagar oppgåvene finn gjerne på å be oss liste opp ymse punkt frå det og det kapitlet, og dei er jævlig spesifikke. Noe som til slutt betyr at eg mest bør kunne boka på rams. Det gidd eg ikkje! Det er heilt upassande å tvinge folk til å lære alle modellane og figurane i ein bibel på 700 sider. Kan ikkje prøva i mårra handle om funfacts frå Venner for livet? Eg bare spør.

Swushi.

Eg har kjøpt meg sushi. Swuuuushi. Frå La Meo på Grønland, der serverer dei kjempegod sushi! Før eg dro heim prøvde eg å få skrivi litt frå meg på Skrivarstova, men stakk ganske kjapt, i frykt for å bli låst inne. I mårra har eg også lyst på sushi, merker eg. Merkeleg, det der.

Det er den låta du spiller før du drar ut idet du stopper i et speil og sjekker om du ser bra ut.

Det blei bare seks øl og ingen bytur i dag. Kanskje litt greitt, sia eg skal skrive oppgåve om merkevarestrategiar i mårra klokka 09.00? Eg vel å tru det, og sit her og er ganske så go'trøtt. Da er det så ålreit å bare slække heilt og loke foran PC-en eller fjernsynet. Og så kjem eg på at det er så mye rart eg må ta stilling til i den nærmaste framtida.

1. Marknadsføring eller ikkje marknadsføring?
Eg har tenkt litt på å bytte over til anten varehandel eller kommunikasjonsleiing. Det var jo sistnemnte eg eigentleg søkte på da eg skulle begynne på BI, og eg kom inn. Men så bytta eg til marknadsføring sia det er ei utdanning som kan brukast til alt muleg. Og varehandel er litt pga. at eg har planar om å vere Esso-hore på fulltid når eg ein vakker dag er ferdig med utdanninga. Men det blir vel til at eg forblir marknadsføringsstudent, trur eg.

2. Utveksling eller ikkje utveksling?
I februar går søknadsfrista for utveksling ut. Eg har eigentleg dritlyst til å dra til utlandet for eitt semester, men det er så vanskeleg å bestemme seg. Og så kjem eg sikkert til å angre dersom eg ikkje drar ut - alle som har reist ut kjem tilbake med den oppfatninga av at det er det beste valet dei har tatt noen sinne. I tillegg er tysk deilig.

3. NMU eller ikkje NMU?
Altså, eg skal ikkje melde meg ut. Ikkje i det heile tatt. Men eg har ikkje tatt stilling til om eg skal vere aktiv i den neste perioden. Ikkje at eg er så jævlig aktiv som eg burde nå at det gjer noe, men det er jo bare fordi eg er dum og slave av skolen. Eg har vel i grunn sagt at SST neste år ikkje er greia for meg, men eitt eller anna har eg lyst til å gjere. Eg har blitt glad i den rare Skrivarstova, men eg føler ikkje eg passar så godt inn i sentralstyret. Dei treng nok folk som er litt flinkare enn meg. Men det er nå så!

4. Jobbe i sommarferien eller ikkje jobbe i sommarferien?
Vi driv og snakkar litt om å vere med på eit sånt x-plore-program der ein reiser til ein eller annan fin stad utlandet og jobbar med saker som er verdt å jobbe for. I bytte får ein veldig, veldig rimeleg kost og losji, og erfaringar for resten av livet. Eg har jævlig lyst, men eg vil ikkje dra aleine. Det kjem litt an på om dei eg har snakka om det vil vere med.

5. Å sove, eller å ikkje sove?
God natt.

I tried to be chill, but you're so hot that I melted.

Eg har fått ei lei uvane - eg et for mye fisk. F leire ganger i veka slit eg at med at eg har kjøpt med meg fisk heim igjen. Noe som i og for seg kan hørast heilt usakleg ut, sia fisk er bra og sånn, men ikkje i den formen eg liker den: heilt rå.

Sushi er fantastisk. Det smakar godt, du kan få eit variert måltid med ti ulike fiskesortar kvar gang du et - og ikkje minst: det er rett sunt også. I tillegg kan du få ei unnskyldning for å lære deg å ete med pinnar, og det er jo ein grunn i seg sjølv, bare det... Det einaste som er negativt med sushi er at det er ganske dyrt, så når ein kjøper sushi opp til fire gangar i veka kan det fort merkast på saldoen. MEN DET ER SÅ GODT!

I dag var vi for eksempel på ei sushisjappe på Grønland som vi ikkje hadde testa før. Dei hadde allslags sjuke saker: fjellørret, sverdfisk og abbor. Sjølvsagt måtte vi prøve alle saman (det er så praktisk å bu med to andre sushifrelste sjeler), og for å seie det sånn: vi skal nok tilbake i morgon.

Korfor kan eg ikkje få sushi på resept?

(Er du også glad i sushi? Eg er keen på DI meining om kva som er den beste biten. Bare fordi eg elskar å snakke om sushi.)

Og med tennene blotta som til eit smil nærmar det seg.

Eg er skeptisk til bedriftsøkonomi, eg kan ikkje noe for det. Sia august har eg pusla litt med det på skolen, og eg skjønner stort sett lite av det som står i boka og blir proklamert frå forelesarstolen. Dermed kan det jo bli litt av eit scenario på eksamen, dersom den faktisk viser seg å ha oppgåver relatert til bedriftsøkonomi, for det kan eg jo ikkje. Kan dei ikkje heller stille spørsmål om grammatikk og religionshistorie? Og kor upassande er det ikkje at dei to nemnte emna i førre semester gav meg meir grå hår enn ei bøtte maling noen gang kunne gjort? Det er merkeleg, seier eg, og eg stiller meg jævlig skeptisk til det.

Med andre ord er ikkje skolefaga denne hausten akkurat dei beste, og sånn er det eigentleg berre. Det er lite eg kan gjere med det, bortsett frå å jobbe som eit olja lyn når innspurten nærmar seg, for nå har eg jo ikkje noe lyst. Akkurat som at eg ikkje har noe lyst til å skrive meir om eksamen og skole. Og ja, eg innser at eg kunne hoppa og driti i det, men det er bloggen MIN. For å sitere Miss Swan: I'm drunk with power!

Ketchup på skjorta, sennep i rævva.

Sia sist har eg blitt ein osloensar. Korleis det følest? Jo, det følest rett bra, i grunn.

Etter to veker med grøftefyll så godt som kvar dag har eg også utvida musikkhorisonten min litt, men eg er ikkje heilt sikker på om det er for det betre, når eg tar meg sjølv i å laste ned Luxus Leverpostei og Drillos... Det er jo god stemning, men eg trur eg skal satse på ørepluggar når eg hører på det heime.

Den første songen!

No har eg også blogg! Og den er min, berre min. Når det er sagt, så er eg medforfattar på to andre bloggar her på Blogspot, trur eg iallfall. Her er ein av dei! Eg skal få hivi opp eit par linkar til dei seinare, når eg har fått koll på åssen ting funkar her inne. Det obligatoriske sjølvportrettet skulle jo vori oppe no, hadde eg berre klart å laste det opp! Det er visst trøbbel i tårnet, presten syng ikkje heilt reint lizm...